بلی عزیزلریم گلک مطلب اوستونه. سیزه هاردان خبر وئریم، آذربایجانین گؤزه ل بیر گوشه سی تبریز شهرینین یاخینلیغیندا اولان تیکمه داش کندیندن اورادا کیمدن ابراهیم آدلی بیر کیشی دن. گونلرین بیر گونو آللاه تعالی ابراهیم کیشی یه بیر اوغلان اولادی عطا ائتدی بو اوشاق آنادان اولما قورشاقدان آشاغی فلج ایدی ائل عادتیله ییغیلدیلار بونا آد قویالار. هره بیر آد دئدی. نهایتن قاسیم آدین سئچدیلر نیه? بونا گؤرا کی آللاه تعالی حضرت قاسیم آدینین احترامینا گوره بلکه اونا شفا وئره. قاسیم آیلار ایللر کئچدیکجه بؤیویوب، بویا باشا چاتدی. قیچلاری فلج اولدوغونا گؤره چون اوتراق ایدی. اونا خسته قاسیم دئیه ردیلر. خسته قاسیم اؤز کندینده موللا مکتبین باشا ووردوقدان سونرا تحصیلی داوام ائتمک اوچون آتاسینین توسطی ايله اوز دؤررونون علم اوجاقلاريندان اولان اردبيل شهرينده شيخ صفی مسجدينه گئديب اورادا تحصيله مشغول اولدو. خسته قاسيمين بير ياندان اوتراقليغی بير ياندان وطنيدن اوزاق دوشمه سی باعث اولموشدو کی درسينی یاخشی اوخويانماسين. اودور کی بير گون معليمی اونا اوز توتوب دئدی اوغول سحرده درسنی سوروشاجاغام اگر بيلمه سن آپاريب آتايا تحويل وئره جگم. او گون عاشورا آخشامی دير شيخ صفی مسجدينده میللت عزادار ليق ائيله ييب داغيلدی. خسته قاسيم گئجه نی منبرين ديبينده او قدر آغلادی کی آخير هوش آپاردی. بونون يوخوسونا يئرِين-گؤيون لنگری مولاسی اميرالمومنين علی (ع) گلدی دئدی، اوغول آچ گؤزلرينی آل بو باده نی ايچ. خسته قاسيم آليب باده نی ايچدی. سونرا مولاسی بارماغين نيمشاق ائيله ييب دئدی، هارانی گؤرورسن. خسته قاسيم دئدی آغا قادان آلیم گوللو چیچک لی بیر ولايتی گؤرورم. دئدی اوغول اورا اورمو شهری دير، داهی نه گؤرورسن- ای آغا بيرده بير قصريده بير قيز گؤرورم. دئدی اوغول او اورمونون حؤکمرانی احمد خانين قيزی سلبی خانيم دير. سيز ايکيزی يارادان بير بيرينيزه يازيبدیر گئت زحمت چک مطلبينی آلگينان، اؤزوده دور آياغا يئری. ای آغا دورانمارام، دئدی دورارسان. خسته قاسيم اؤزونه بير حرکت وئريب دوردو آياغا بئله باخاندا گؤردو مولاسی گؤزدن غايب اولوبدور. ائله چِغيردی کی مسجدين اطرافيندا اولانلارين بوتونو تؤکولوب گلدی گؤره سن مسجددن گلن بو چيغيرتی نه چيغيرتيسی دير هامی ييغيشدی مسجده دئديلر.اوغول سنه نه اولوب بو حالداهای گئتدی خسته قاسيمين معلليمينه اودا گلدی گؤردو خسته قاسيم آياق اوسته دوروب. آی اوغول بس نئجه اولدو کی سن آیاق اوسته دوروبسان بورادا خسته قاسيم گوره ک اؤز دردینی جماعته نئجه دئيير:
عزیز دوسلار بو ناغیلین قالانی pdf فایلیندای اونو ایسته سز دانلود ائدین. خسته قاسیم
خسته قاسیم